Мэдээ

Эрэгтэйчүүдийн үргүйдлийн асуудал ”Алтанжор” Эрэгтэйчүүдийн оношлогооны төв Холбоо барих утас: 89343838, 75751250https://www.facebook.com/%D0%AD%D1%80%D1%8D%D0%B3%D1%82%D1%8D%D0%B9%D1%87%D2%AF%D2%AF%D0%B4%D0%B8%D0%B9%D0%BD-%D0%9E%D0%BD%D0%BE%D1%88%D0%BB%D0%BE%D0%B3%D0%BE%D0%BE%D0%BD%D1%8B-%D0%A2%D3%A9%D0%B2-208085249974374/

Дэлхийн эрүүл мэндийн байгуулагын (ДЭМБ) тодорхойлолтоор жирэмсэлэхээс сэргийлэх арга хэрэглэхгүй 12-сарын туршид бэлгийн харьцаатай хамтран амьдарсан боловч үр хүүхэд олоогүй хосыг үргүйдэлтэй гэж үздэг1. Анагаах ухаанд үр хүүхэдгүй байх шалтгаан нь зөвхөн эмэгтэй хүнээс төдийгүй эрэгтэйчүүдээс бас хамаарах учраас сүүлийн үед үргүй хосууд үзлэг шинжилгээнд хоёулаа хамрагдах ёстой гэсэн ойлголт өргөн болжээ. Эрэгтэйчүүд андрологийн тасагт хандах нь хэд хэдэн давуу талтай. Эмэгтэйчүүдийн үргүйдлийн шалтгааныг тогтоох үзлэг, шинжилгээ нь цаг хугацаа, үнэ өртөг шаарддаг бол эрэгтэй хүний шинжилгээ харьцангуй хялбар байх буюу үрийн шингэний шинжилгээ хийлгэснээр хувь хүний нөхөн үржихүйн ерөнхий байдал илэрнэ. Эрэгтэйчүүдийн үр тогтоох чадвар олон хүчин зүйлээс шалтгаалдаг. Хувь хүний амьдарлын хэв маяг, зан үйл, эрхэлсэн ажил, ажлын орчин, ачаалал, сэтгэл санааны байдал гэх мэт олонхи хүний тэр болгон анзаарч ач холбогдол өгдөггүй өдөр тутмын хэвшмэл үйлдэл тухайн хүний үр тогтоох чадварт сайнаар болон саараар нөлөөлдөг тухай судлаачид тэмдэглэсэн байдаг. Эрэгтэйчүүдийн үр тогтоох чадварт нөлөөлах зарим шалтгаан, эмгэгийг тухай авч үзье.

2.2.1. Үргүйдлийн шалтгаан Эрэгтэйчүүдийг үргүйдэлд хүргэдэг шалтгаанд бэлгийн замын халдварт өвчин, гахайн хавдар, гэмтэл, хорт зуршил, цацраг туяа, химийн бодис, хавдар зэрэг хүчин зүйлс орно.

2.2.2. Халдвар Бэлгийн замаар дамжих халдвар (БЗДХ) Заг хүйтэн, трихоминиаз, хламидийн халдвар авсан үед ялангуяа оношлогоо, эмчилгээнд оройтож хандсанаас архагшуулсан, дайвар булчирхайнууд халдварт өртсөн үед үрийн суваг битүүрснээр эр бэлгийн эс гадагшлах боломжгүй болдог. Гахайн хавдар Бэлгийн бойжилтын өмнө буюу хойно вирүсийн халдвар авах, өвчин хөндөрч хоёр талын төмсгийг хамарсан халдварын нөлөө зарим тохиолдолд үргүйдэлдхүргэнэ. Мөн түрүү булчирхайн үрэвсэлийн үед булчирхайн ялгаруулах шүүрлийн хэвийн найрлага алдагдсанаас болж үргүйдэлд хүргэдэг.

2.2.3. Гэмтэл Хоёр буюу нэг талын төмсөг гэмтэл авсан үед дархлалын эсүүд өөрийн эр бэлгийн эсэд мэдрэг болсоны улмаас үргүйдэл үүсдэг.

2.2.4. Сэтгэл санааны дарамт Биеийн болон сэтгэл санааны ачаалалын үед эр бэлгийн эсийн тоо цөөрдөг. Сэтгэл санааны дарамт нь бэлгийн дааварын үйл ажиллагааг саатуулснаар эр эсийн тоог цөөрүүлэх буюу бэлгийн сулрал, цагаас өмнө дур тавьх, сэтгэл санааны асуудлууд нэг хувь эзэлж байвал үргүйдэлд хүргэнэ. Вазелин, бэлгэвчний гадуурх тос нь үр тогтоох үйл ажиллагаанд саад болдог. Төмсөгийг халуун орчинд байлгах нь зохимжгүй. Өндөр хэм хүртэл халуурах, саунд суух, хэт халах нь түр хугацаанд эсийн тоог цөөрүүлнэ. Мөн халуун орчинд удаан хугацаанд ажиллах, бариу дотуур өмд өмсөх нь төмсөгний үйл ажиллагаанд муугаар нөлөөлдөг гэж зарим судлаачид үздэг.

2.2.5. Хортой зуршлууд Архи Архи нь үр тогтоох чадварт шууд нөлөөлдөггүй боловч их хэмжээгээр тогтмол хэрэглэвэл элэгний үйл ажиллагаанд сөргөөр нөлөөлж улмаар бэлгийн дааварын солилцоонд оролцож, төмсөгийг хатингаршуулах талтай байдаг. Тамхи Тамхидалт нь эр эсийн хөдөлгөөнийг сааруулж, амьдрах хугацааг нь багасгаж, удмын материалд өөрчлөлт оруулах төлөвтэй. Мөн тамхи татдаг эрчүүдийн бэлгийн дур хүсэл сул, бэлгийн ажлыг цөөхөн хийдэг байна8.

2.2.6. ТаргалалтТаргалалт нь үргүйдлийн эрсдэлт хүчин зүйлийн нэг нь гэж үздэг. 2006 оны тархвар зүйн судалгаагаар биеийн жин 10 кг-аар нэмэгдэх нь үр тогтох магадлалыг 10%-р бууруулдаг гэж үзжээ.

2.2.7. Хавдар Төмсөг, түрүү булчирхайн хавдаруудын үед хавдар өөрөө эр бэлгийн эсийн үүсэлт хөгжилтөнд саад болох төдийгүй хавдарын эсрэг эмчилгээнүүд мөн сөрөг нөлөөтэй. Хавдрын эсийн хуваагдлын эсрэг үйлчилгээтэй эмийн бэлдмэл, эм бэлгийн даавар, рентген болон мэс заслын эмчилгээ нь бүгд эрхтэний хэвийн үйл ажиллагаа алдагдуулж сөргөөр нөлөөлдөг.

2.2.8. Нас Эрэгтэй хүний нас эрэгтэй хүний үргүйдэлд ямар нөлөөтэй байдгийг бүрэн төгс тогтоогоогүй ч хийсэн судалгаанууд байна. Нас нь эр бэлгийн эсийн хөдөлгөөн, тухайлбал хурдан ба шулуун хөдлөх чадвар, мөн тоонд сөргөөр нөлөөлдөг тул үрийн шингэнд гарах эдгээр өөрчлөлт нь гэнэт бус аажмаар илэрч байдаг байна.

2.2.9. Бусад Дугуй удаан хугацаагаар унах нь бэлгийн сулрал улмаар үргүйдэлд хүргэж болзошгүй гэж үздэг. Дугуйны суудал нь бэлэг эрхтэн хөвчрөхөд оролцдог мэдрэл ба мэдрэлийн судсыг гэмтээдэг байна. Витамин Е, С зарим микроэлемент, селен, цайрын дутагдал нь үргүйдэлд хүргэх боломжтой аж.Холбоо барих утас: 89343838, 75751250

TORCH-ийн бүлэг халдваруудын
эрт оношлох, онош батлах шинжилгээг өндөр нарийвчлалтай шинжилдэг тоон аргаар нэвтрүүллээ.

”Алтанжор” Эрэгтэйчүүдийн оношлогооны төв
Лавлах утас: 89343838, 75751250
https://www.facebook.com/%D0%AD%D1%80%D1%8D%D0%B3%D1%82%D1%8D%D0%B9%D1%87%D2%AF%D2%AF%D0%B4%D0%B8%D0%B9%D0%BD-%D0%9E%D0%BD%D0%BE%D1%88%D0%BB%D0%BE%D0%B3%D0%BE%D0%BE%D0%BD%D1%8B-%D0%A2%D3%A9%D0%B2-208085249974374/
TORCH-ийн халдваруудад:
• T – Токсоплазм
• O – (others) бусад – тэмбүү, ДОХ
• R – Рубелла вирус
• C – Цитомегаловирус
• H – Херпес вирус зэрэг халдвар үүсгэгчид ордог.

Цитомегаловирүсийн эсрэг иммуноглобулин IgG болон IgM
Энэ шинжилгээ нь ургийн гажиг үүсгэх эрсдэл бүхий халдваруудыг илрүүлэх цогц шинжилгээ болох TORCH-д орох бөгөөд жирэмсэн эмэгтэйчүүдэд хийлгэхийг зөвлөдөг. Мөн дархлалын хомсдолтой болон эрхтэн шилжүүлэх хагалгаанд орох гэж буй хүмүүс цус сэлбүүлэх тохиолдолд энэ шинжилгээг хийлгэдэг.

Хэрхэн шинжлэх вэ?
ЦМВ нь үл анзаарагдахуйц шинж тэмдэг бүхий, түгээмэл тохиолдох вирус боловч нярай болон дархлал сулрагсадад хүнд өвчин үүсгэж болзошгүй.
Халдвар авснаас хэдэн долоо хоногийн дараа IgG түвшин ихэснэ. Идэвхт халдварын үед IgG ихсэж, вирус идэвхигүйжих үед тогтворждог. ЦМВ халдвар авсан тохиолдолд цусанд нь IgG эсрэг бие үргэлж байна. ЦМВ IgG тодорхойлох шинжилгээг IgM шинжилгээтэй хамт хийж, идэвхтэй болон идэвхгүй CMV халдварыг тодорхойлж болно.
ЦМВ эсрэг биеийн шинжилгээг эрхтэн ба ясны чөмөгний шилжүүлгийн үед эсвэл ХДХВ-ын халдвар авсан тохиолдолд дархлааг нь шалгах зорилготой хийж болно. ЦМВ халдвар нь түгээмэл, дархлаа сайтай хүмүүст өвчин үүсгэдэггүй учраас нийтэд скрининг маягаар хийдэггүй.
IgM IgG-г харьцуулснаар идэвхтэй болон идэвхгүй ЦМВ халдварыг ялгаж болно.
Хэзээ захиалагддаг вэ?
Залуу хүмүүс, жирэмсэн эмэгтэйчүүд болон дархлаа муудсан хүмүүст томуу, мононуклеоз, EPV-ын шинжилгээтэй хамт захиалагддаг. Дараах шинж тэмдгүүд илэрсэн

тохиолдолд энэ шинжилгээг захиалдаг:
• Ядрах, сульдах
• Хоолой өвдөх
• Тунгалгийн зангилаанууд хавдах
• Халуурах
• Толгой өвдөх
• Булчин өвдөх
Мөн түгээмэл биш шинж тэмдгүүдэд уушги, нүд, элэг, дэлүү болон хоол боловсруулах замын үрэвсэл орно.
Нярайн шарлалт, цусны улаан эсийн багадалт, элэг дэлүү томрох, жижиг толгой, хараа сонсголын асуудал, хатгаа, багтраа болон хөгжлийн бэрхшээлийн шинжүүд илэрсэн тохиолдолд энэ шинжилгээг хийдэг.
Эрхтэн болон ясны чөмөгний донор CMV шинжилгээг хийлгэх ёстой.
Шинжилгээний хариуг хэрхэн унших вэ?
ЦМВ -ын халдвар аваад, шинж тэмдгүүд илрэхээ больсон ч вирус биед байх тул идэвхтэй болон идэвхгүй халдварыг ялгахад амар биш.
IgG IgM эерэг байх нь ЦМВ халдвар авсан эсвэл өмнөх халдвар идэвхэжсэнийг илтгэнэ. IgG-г 2-3 долоо хоногийн дараа дахин шинжилдэг бөгөөд 4 дахин ихэссэн бол идэвхт халдвар гэж үздэг.
CMV, IgM CMV, IgG Хариу
Сөрөг Сөрөг • Халдвар аваагүй
• Шинж тэмдгүүд өөр шалтгаантай
• Дархлалын систем хангалттай эсрэг бие нийлэгжүүлж чадахгүй байх
Эерэг Сөрөг • Шинэ идэвхт халдвар
• Идэвхгүй CMV идэвхжих
• CMV-ын дахин халдвар авсан
Эерэг Эерэг Идэвхт халдвар
Сөрөг Эерэг Идэвхгүй халдвар

Herpes simplex virus
Херпес вирус нь бидний сайн мэдэх хомхоо үүсгэгч вирус билээ. Херпес вирус нь 1,2 дугаар типтэй бөгөөд тип 1 нь уруул амны хомхоо, тип 2 нь бэлгийн хомхой үүсгэдэг. Уг халдвар нь төрөх замаар, хоол боловсруулах замаар болон шууд замаар халдварлагдана. Иймээс бэлгийн хомхоотой эхээс нярай төрөх замаар халдвар авах боломжтой байдаг. Херпес вирус нүд болон арьсны шархлаа, төв мэдрэлийн системийн эмгэг, оюун ухааны хомсдол зэрэг өвчин үүсгэдэг.
Хос гинжтэй ДНХ- с тогтсон удмын материалтай вирүс юм. Бэлгийн херпес нь архаг удаан явцтай вирүсийн халдвар байдаг. Үүнд: Херпес-1, херпес- 2 хамаарна. Эндээс ихэвчлэн херпес- 2 нь бэлгийн херпесийг үүсгэдэг. Ихэнх хүмүүс вирүсийн халдвар авснаас мэддэггүй/халдвар шинж тэмдэггүй даамжирдаг учир хамгаалалтгүй бэлгийн харьцаанд орох үедээ халдварыг дамжуулдаг.
Tоксоплазм нь шимэгчийн халдвар бөгөөд эхээс урагт ихсээр, хоол боловсруулах замаар дамждаг. Toxoplasma gondii халдвар үүгэгч нь нүд болон төв мэдрэлийн системийн өвчин үүсгэнэ. Хэрэв жирэмсэн үед олдмолоор халдвар авсан тохиолдолд үр зулбах эсвэл ургийн гажиг үүсгэх аюултай. Энэхүү халдвар нь ихэвчлэн тэжээвэр амьтан, түүхий мах, өндөг зэргээс халдварлагддаг.
Рубелла нь улаанууд гэх өвчин үүсгэгч вирус юм. Жирэмсний эхэн үед халдвар авбал урагт зүрхний өвчин, өсөлтийн гажуудал, хатгаа, цусны эмгэг үүсгэх магадлалтай. Цаашид халдвар авсан хүүхдэд төв мэдрэлийн системийн эмгэг, дархлал хомсдолын эмгэг, бамбайн эмгэг зэрэг үүсч болно.

Treponema pallidum(Тэмбүү)
Тэмбүү бол удаан хугацаанд нууц байдалд байдаг улаан өнгөтэй тууралт үүсгэдэг бэлгийн замын халдварт өвчин юм. Бэлгийн тэмбүү нь ихэвчлэн халдвартай хүнтэй бэлгийн харьцаанд орох эсвэл гэмтсэн арьсаар дамжин халдварладаг. Мөн халдвартай эхээс урагт халдварлана. Эрэгтэй эмэгтэй хүнд аль алинд эмгэг үүсгээх ба тухайлбал эмэгтэй хүнд үтрээний хана, умайн хүзүү, гадна бэлэг эрхтэн орчмыг өвчлүүлдэг.

ДОХ юугаар үүсгэгддэг вэ?
ДОХ нь вирүсээр үүсгэгддэг бөгөөд тэр вирүсийг ХДХВ буюу
• Хүний
• Дархлал
• Хомсдолын
• Вирус гэдэг.
ДОХ гэж юу вэ?
• Дархлалын: Хүний биеийн дархлалын тогтолцоо нь аливаа өвчний эсрэг хамгаалалт юм.
• Олдмол: Хүний биед гаднаас орж ирсэн гэсэн үг.
• Хомсдол: (Ямар нэгэн зүйл дутагдаж, хангалтгүй) Хамгаалах чадваргүй болж суларсаныг илэрхийлнэ.
ХДХВ нь дархлалын тогтолцоог дарангуйлснаар бие махбод аливаа халдвартай тэмцэх чадваргүй болж ДОХ-ыг үүсгэдэг.
Ямар замаар дамжих вэ?
• Хамгаалалтгүй бэлгийн хавьтал- үрийн шингэн, үтрээний шүүрэл
• Халдвартай цус, цусан бүтээгдэхүүн, зүү тариур дамжуулан хэрэглэх
• Халдвартай эхээс хүүхдэд – төрөхөөс өмнө, төрөх үед, төрсний дараа хөхний сүүгээр

Лавлах утас: 89343838, 75751250
Хаяг: Улаанбаатар хот Баянгол дүүрэг,Энхтайваны өргөн чөлөө, 2 – р хороолол, 2 – хороо, 71А байр 4 тоот
Утас: 89343838, 75751250

БЗДХ-ын шинж тэмдэг, эрсдэлт хүчин зүйл, урьдчилан сэргийлэлт
”Алтанжор” Эрэгтэйчүүдийн оношлогооны төв
Холбоо барих утас: 89343838, 75751250
https://www.facebook.com/%D0%AD%D1%80%D1%8D%D0%B3%D1%82%D1%8D%D0%B9%D1%87%D2%AF%D2%AF%D0%B4%D0%B8%D0%B9%D0%BD-%D0%9E%D0%BD%D0%BE%D1%88%D0%BB%D0%BE%D0%B3%D0%BE%D0%BE%D0%BD%D1%8B-%D0%A2%D3%A9%D0%B2-208085249974374/
Бэлгийн замын халдварт өвчин (БЗХӨ), эсвэл бэлгийн замаар дамжих халдвар (БЗДХ) нь ерөнхийдөө бэлгийн хавьтлаар халдварладаг. Бэлгийн замын халдвар үүсгэдэг организмууд нь хүнээс хүнд цус, үрийн шингэн, үтрээний ялгарал болон биеийн бусад шингэнээр дамжин халдварлана.

Зарим тохиолдолд жирэмсэн эхээс урагт, эсвэл төрөлтийн үед хүүхдэд болон цус сэлбэх, зүү, тариур хувааж хэрэглэх зэрэг бэлгийн хавьтлын бус замаар халдвар дамжих эрсдэлтэй.

Гаднаас нь харахад цоо эрүүл хүнээс ч халдвар авах эрсдэлтэй бөгөөд тухайн хүн өөрийгөө халдвартай гэдгийг мэдэхгүй байх тохиолдол цөөнгүй. БЗХӨ ихэнхдээ шинж тэмдэггүй, далд хэлбэрээр явагддаг тул мэргэжилтнүүд БЗХӨ гэхээс илүүтэйгээр БЗДХ гэдэг нэршлийг түлхүү хэрэглэдэг.

Шинж тэмдэг
БЗДХ авсан үед ямар нэг шинж тэмдэг илрэхгүй байж болохоос гадна, зарим хүмүүст дараах шинж тэмдгүүд илэрч болзошгүй. Иймд шинж тэмдэг илрэх хүртэл, эсвэл бэлгийн хамтрагч нь шинжилгээгээр оношлогдох хүртэл халдвар авсан гэдгээ мэдэхгүй явах тохиолдол цөөнгүй байдаг. Илрэх шинж тэмдгүүд:

Бэлэг эрхтэн, хошного, ам орчмоор эмзэгших, гүвдрүү гарах
Шээхэд хорсох, халуу оргих
Эр бэлэг эрхтэнээс ялгадас гарах
Үтрээнээс хэвийн бус, хурц үнэртэй ялгарал гарах
Бэлгийн хавьтлын үед өвдөх
Цавь орчмын лимфийн булчирхай томрох, хөндүүрлэх
Хэвлийн доод хэсгээр өвдөлт мэдрэгдэх
Халуурах
Их бие, гар, хөлөөр тууралт гарах
Зарим шинж тэмдэг, зовиур халдвар авснаас хэдэн хоногийн дараа илэрдэг байхад үүсгэгчээсээ хамаарч зарим хүндрэл хэдэн сар, жилийн дараа ч илэрч болно.

Хэзээ эмчид хандах вэ?
Дараах шинж тэмдэг илэрвэл эмчид яаралтай хандана:

Бэлгийн идэвхтэй амьдралтай бөгөөд өмнө нь БЗДХ авч байсан
БЗДХ-ын шинж тэмдэг илэрсэн
Дараах тохиолдолд эмчээс зөвлөгөө авна:

Анх удаа бэлгийн хавьталд орохоор төлөвлөж байгаа эсвэл 21 нас хүрсэн
Бэлгийн шинэ хамтрагчдай болохын өмнө
Шалтгаан
Бэлгийн замаар дамжих халдварын шалтгаан нь:

Нян (заг хүйтэн, тэмбүү, хламид)
Шимэгч (трихомониаз)
Вирус (хүний хөхөнцөр вирус, бэлгийн херпес, ХДХВ)
БЗДХ-аас гадна бусад олон төрлийн халдвар бэлгийн замаар дамжин халдварладаг. Үүнд гепатит А,B,C вирус, шигелл, гэдэсний халдвар үүсгэгч Giardia intestinalis зэргийг дурдаж болно.

Эрсдэлт хүчин зүйл
Бэлгийн идэвхтэй амьдралтай хүн бүр БЗДХ авах тодорхой эрсдэлтэй. Эрсдэлийг нэмэгдүүлдэг хэд хэдэн хүчин зүйл бий:

Хамгаалалтгүй бэлгийн хавьталд орох. БЗДХ-тай хүнтэй бэлгэвч хэрэглэлгүй, хамгаалалтгүй үтрээгээр болон шулуун гэдсээр хавьталд орох нь халдвар авах өндөр эрсдэл үүсгэнэ. Бэлгэвчийг буруу, бэлгийн хавьтлын турш хэрэглэхгүй байх нь эрсдэлийг мөн ихэсгэнэ. Аман секс эрсдэл арай бага боловч бэлгэвч хэрэглээгүй нөхцөлд халдвар дамжих эрсдэлтэй.
Бэлгийн олон хамтрагчтай байх. Бэлгийн олон хамтрагчтай байхын хирээр БЗДХ авах эрсдэл нэмэгдэнэ.
БЗХӨ-өөр өвчилж байсан. Өмнө нь БЗХӨ-өөр өвчил байсан тохиолдолд давтан халдвар авах эрсдэл өндөр байдаг.
Бэлгийн хүчирхийлэлд өртөх. Бэлгийн хүчирхийлэл нь хохирогчдод бие махбодь, сэтгэлзүйн асар их хохирол учруулдаг. Энэ тохиолдолд БЗДХ-ын илрүүлэг шинжилгээнд заавал хамрагдаж, шаардлагатай эмчилгээг хийлгэхээс гадна сэтгэлзүйн тусламж үйлчилгээ авах нь зүйтэй.
Архи согтууруулах ундаа, мансууруулах бодис хэрэглэх. Донтуулах үйлчлэлтэй бодис хэрэглэсэн үед шүүн тунгаах чадварыг бууруулж, эрсдэлтэй зан үйлд татагдан орох эрсдэлийг нэмэгдүүлдэг.
Бохир зүү, тариур. Бохирлогдсон зүү, тариураар ХДХВ, элэгний B,C гепатит зэрэг олон ноцтой халдвар дамжих эрсдэлтэй.
Нас. Нийт БЗДХ-ын тохиолдлын бараг тэн хагасыг 15-24 насны өсвөр үе, залуучууд эзэлдэг.
Эхээс урагт дамждаг халдварууд
Заг хүйтэн, хламид, ХДХВ, тэмбүү зэрэг хэд хэдэн төрлийн БЗДХ нь халдвартай эхээс урагт, хүүхдэд жирэмсний болон төрөх явцад дамжин халдварлах боломжтой. БЗДХ нь нярайн эрүүл мэндэд ноцтой уршиг учруулж болохоос гадна эндэгдэлд хүргэж ч болзошгүй. Бүх насны жирэмслэхээр төлөвлөж байгаа болон жирэмсэн эмэгтэйчүүд БЗДХ-ын илрүүлэг шинжилгээг заавал хамрагдаж, шаардлагатай бол зохих эмчилгээг хийлгэнэ.

Гарч болох хүндрэлүүд
Ихэнх тохиолдолд БЗДХ-ын эхний үе шатуудад мэдэгдэхүйц шинж тэмдэг илэрдэггүй тул БЗДХ-ын илрүүлэг шинжилгээнд хамрагдах нь өвчний хүндрэлээс сэргийлэх ач холбогдолтой. Шаардлагатай эмчилгээг хугацаанд нь хийгээгүйгээс дараах хүндрэлүүд гарч болзошгүй.

Бага аарцгийн хөндийн өвдөлт
Жирэмсний хүндрэлүүд
Нүдний салстын үрэвсэл
Үе мөчний эмгэг
Бага аарцгийн үрэвсэлт эмгэг
Үргүйдэл
Зүрх судасны өвчин
Зарим хорт хавдар (Хүний хөхөнцөр вирусээр үүсгэгддэг умайн хүзүүний болон шулуун гэдэсний хорт хавдар)
Урьдчилан сэргийлэлт
БЗДХ авах эрсдэлээ бууруулах хэд хэдэн арга бий. Үүнд:

Тэвчих. Хамгаалалтгүй бэлгийн хавьталд орохгүй байж, тэвчих нь БЗДХ-аас сэргийлэх хамгийн үр дүнтэй арга юм.
БЗДХ-гүй эрүүл, нэг бэлгийн хамтрагтай байх. БЗДХ-аас сэргийлэх энгийн боловч найдвартай аргуудын нэг нь бэлгийн зөвхөн нэг хамтрагчтай байх бөгөөд хамтрагч нь эрүүл, халдваргүй байх хэрэгтэй.
Хүлээх, баталгаажуулах. Шинэ хамтрагчтай болсон тохиолдолд аль аль нь лабораторийн шинжилгээгээр БЗДХ-гүй гэдэг нь тогтоогдох хүртэл үтрээгээр болон шулуун гэдсээр бэлгийн хавьтал орохгүй байх. Аман секс хэдийгээр эрсдэл багатай боловч бэлгэвчтэй хийх нь амны хөндий, бэлэг эрхтэний салстай шууд хүрэлцэхээс сэргийлнэ. Одоог хүртэл эрэгтэй, эмэгтэй хүмүүст бэлгийн херпес илрүүлэх, эрэгтэйчүүдэд хүний хөхөнцөр вирус (HPV) илрүүлэх оношлогооны шалгарсан арга байхгүйг анхаарах хэрэгтэй.
Дархлаажуулалтанд хамрагдах. Бэлгийн амьдрал эхлэхээс өмнө, аль болох эрт дархлаажуулалтанд хамрагдсанаар хэд хэдэн төрлийн БЗДХ-аас урьдчилан сэргийлэх боломжтой. Хүний хөхөнцөр вирус (HPV), элэгний A, B гепататын эсрэг вакцин хийгдэж байна.
Хөгжингүй орнуудад умайн хүзүүний хавдар үүсгэгч хүний хөхөнцөр вирусийн вакциныг 11-12 насны охид, хөвгүүдэд заавал хийх заалттай байдаг. 11-12 насандаа вакцинд хамрагдаагүй бол хүйс харгалзахгүй 26 нас хүрэхээс өмнө хамрагдахыг зөвлөдөг.
Гепатит В-ийн эсрэг вакцины эхний тунг хүүхдийг төрсөн даруйд хийх бөгөөд гепатит А-ийн эсрэг вакциныг 1 настай хүүхдэд хийхийг зөвлөдөг.
Бэлгэвчийг тогтмол, зөв хэрэглэх.Бэлгийн хавьталд орох бүрт шинэ бэлгэвчийг зааврын дагуу хэрэглэх бөгөөд латексаар хийсэн бэлгэвчтэй вазелин зэрэг тосон суурьтай бүтээгдэхүүн хамт хэрэглэж болохгүй.
Хэдийгээр бэлгэвч нь ихэнх БЗДХ-ын эрсдэлийг бууруулдаг боловч хүний хөхөнцөр вирус, херпес, бэлгийн хумхай зэрэг халдварын эсрэг хамгаалалт сул. Мөн түүнчлэн жирэмснээс сэргийлэх хаалтын бус аргууд болох дааврын бэлдмэл, ерөндөг нь БЗДХ-аас хамгаалахгүй.
Архи согтууруулах ундааны хэрэглээг хязгаарлах. Ямар нэг донтуулагч бодисын нөлөөнд орсон үед эрсдэлтэй бэлгийн зан үйлд амархан автдаг.
Зөвшилцөх. Шинэ хамтрагчтай болсон үед бэлгийн хавьталд орохын өмнө аюулгүй бэлгийн зан үйлийн талаар нээлттэй ярилцаж, зөвшилцөж болно. Юуг хийж болох, юуг хийхгүй байх вэ гэдгээ хоорондоо тохиролцох нь эрүүл бөгөөд сэтгэл хангалуун бэлгийн амьдралтай байх эхний алхам юм.
Эрэгтэйчүүд хөвч таслах ажилбар хийлгэх. Эрэгтэйчүүд бэлэг эрхтэний хөвчөө таслуулах нь халдвартай эмэгтэйгээс ХДХВ-ийн халдвар дамжих эрсдэлийг 60 хүртэл хувиар бууруулдаг гэсэн судалгааны үр дүн байна. Мөн хүний хөхөнцөр вирус, херпесийн халдвараас урьдчилсан сэргийлдэг байх магадлалтай гэж үздэг.

Eregteichuudiin sheedeg suwnii urewsel

Шээдэг сүвний үрэвсэл (Urethritis)
”Алтанжор” Эрэгтэйчүүдийн оношлогооны төв
Холбоо барих утас: 89343838, 75751250
https://www.facebook.com/%D0%AD%D1%80%D1%8D%D0%B3%D1%82%D1%8D%D0%B9%D1%87%D2%AF%D2%AF%D0%B4%D0%B8%D0%B9%D0%BD-%D0%9E%D0%BD%D0%BE%D1%88%D0%BB%D0%BE%D0%B3%D0%BE%D0%BE%D0%BD%D1%8B-%D0%A2%D3%A9%D0%B2-208085249974374/
Тодорхойлолт:
Үрэвсэл үүсгэгч нян, гэмлийн нөлөөгөөр шээдэг сүв үрэвсэх эмгэгийг шээдэг сүвний үрэвсэл гэнэ.өвөрмөц биш үрэвсэл нь элбэг тохиолдоно.
Шалтгаан:
Халдварын гаралтай
А.Өвөрмөц бус нянгийн шалтгаан
• Нянгийн (грамм эерэг, грамм сөрөг нян)
• Вирусын халдвар
• Холимог
• Мөөгөнцөрийн шалтгаан
Б. Шээдэг сүвний өвөрмөц шалтгаант үрэвсэл
• Заг хүйтэн
• Трихомонадын шалтгаант
• Микоплазм
• Уреаплазм
• Хламид
• Бэлгийн герпес /хомхой/
• Цитомегаловирус
• Папилломавирус
Халварын бус гаралтай шалтгаан
• Харшил
• Шээс ялгаруулах замын гэмтэл (давсганд катетер тавих, гадны биет орох)
• Шээдэг сүвний нарийсал
• Бодисын солилцооны (эмгэг чихрийн шижин гэх мэт)
• Давсагны чулуу
Анхдагч урьдчилан сэргийлэлт
• БЗХӨ өвчилөхгүй байх
• Тохиолдын бэлгийн харьцаанд орвол заавал бэлгэвч хэрэглэх
• Шээдэг сүвээр ажилбар хийхэд болгоомжтой стандартын дагуу хийх (катетер тавих үед бэлэг эрхтний толгойг ариутгах, сайн тослох)
• Чихрийн шижинтэй хүмүүс сүвний үрэвсэлээр өвчлөхгүй байх
• Бэлгийн ариун цэвэр, эрүүл ахуйн дэглэмийг сахих

Оношлогоо
Асуумж авах: сүүлийн сар, хоногуудад хамгаалалтгүйгээр тохиолдлын бэлгийн хавьталд орсон эсэх
Зовуурь, эмнэлзүйн шинж
• Шээдэг сүвээр хорсоно
• Шээдэг сүвээр эрвэгнэх мэдрэмж төрөх
• Шээдэг сүвээр үе, үе хатгах
• Шээхэд хорсож өвдөнө
• Шээдэг сүвнээс ялгадас (цагаан, ногоон, шар, цэнхэр хөөстэй) гарна.
• Хярзан, шодойгоор чинэрч халуу оргиж өвдөнө.
• Шинж тэмдэг 25% – д илрэхгүй байж болдог.
Бодит үзлэгт:
• Шээдэг сүвний амсарт үрэвсэл үүссэн байна.
• Шээдэг сүвнээс цэнхэр – ногоон өнгөтэй идээрхэг ялгадас гарах, энэ ялгадас нь үнэртэй байж болно.
• Дотуур хувцсанд сүвний идээ наалдаж бохирлогдсон байж болно.
• Шээдэг сүвийг тэмтэрч үзхэд эмзэг байна.
Шинжилгээ: Лабораторийн шинжилгээ
• Шээдэг сүвний амсараас арчдас авах
• Шээдэг сүвний амсар дотроос арчдас авч шинжлэх
• Цусны ерөнхий шинжилгээ
• Шээсний ариун чанарын шинжилгээ
• Молекул биологийн шинжилгээгээр өвөрмөц эмгэг төрөгчийг илрүүлэх
Багажийн шинжилгээ
ХАО – д хоёр бөөр, түрүү булчирхай, үлдэгдэл шээс үзнэ.
Хүндрэл:
• Шээдэг сүв нарийсах 10 – 45%
• Түрүү булчирхайн үрэвсэл
• Төмсөг ба түүний дайварын үрэвсэл
• Эрэгтэйчүүдийн үргүйдэл
• Reiter – ийн синдром

Шээдэг сүвний үрэвсэл (Urethritis)
”Алтанжор” Эрэгтэйчүүдийн оношлогооны төв
Холбоо барих утас: 89343838, 75751250
https://www.facebook.com/%D0%AD%D1%80%D1%8D%D0%B3%D1%82%D1%8D%D0%B9%D1%87%D2%AF%D2%AF%D0%B4%D0%B8%D0%B9%D0%BD-%D0%9E%D0%BD%D0%BE%D1%88%D0%BB%D0%BE%D0%B3%D0%BE%D0%BE%D0%BD%D1%8B-%D0%A2%D3%A9%D0%B2-208085249974374/
Тодорхойлолт:
Үрэвсэл үүсгэгч нян, гэмлийн нөлөөгөөр шээдэг сүв үрэвсэх эмгэгийг шээдэг сүвний үрэвсэл гэнэ.өвөрмөц биш үрэвсэл нь элбэг тохиолдоно.
Шалтгаан:
Халдварын гаралтай
А.Өвөрмөц бус нянгийн шалтгаан
• Нянгийн (грамм эерэг, грамм сөрөг нян)
• Вирусын халдвар
• Холимог
• Мөөгөнцөрийн шалтгаан
Б. Шээдэг сүвний өвөрмөц шалтгаант үрэвсэл
• Заг хүйтэн
• Трихомонадын шалтгаант
• Микоплазм
• Уреаплазм
• Хламид
• Бэлгийн герпес /хомхой/
• Цитомегаловирус
• Папилломавирус
Халварын бус гаралтай шалтгаан
• Харшил
• Шээс ялгаруулах замын гэмтэл (давсганд катетер тавих, гадны биет орох)
• Шээдэг сүвний нарийсал
• Бодисын солилцооны (эмгэг чихрийн шижин гэх мэт)
• Давсагны чулуу
Анхдагч урьдчилан сэргийлэлт
• БЗХӨ өвчилөхгүй байх
• Тохиолдын бэлгийн харьцаанд орвол заавал бэлгэвч хэрэглэх
• Шээдэг сүвээр ажилбар хийхэд болгоомжтой стандартын дагуу хийх (катетер тавих үед бэлэг эрхтний толгойг ариутгах, сайн тослох)
• Чихрийн шижинтэй хүмүүс сүвний үрэвсэлээр өвчлөхгүй байх
• Бэлгийн ариун цэвэр, эрүүл ахуйн дэглэмийг сахих

Оношлогоо
Асуумж авах: сүүлийн сар, хоногуудад хамгаалалтгүйгээр тохиолдлын бэлгийн хавьталд орсон эсэх
Зовуурь, эмнэлзүйн шинж
• Шээдэг сүвээр хорсоно
• Шээдэг сүвээр эрвэгнэх мэдрэмж төрөх
• Шээдэг сүвээр үе, үе хатгах
• Шээхэд хорсож өвдөнө
• Шээдэг сүвнээс ялгадас (цагаан, ногоон, шар, цэнхэр хөөстэй) гарна.
• Хярзан, шодойгоор чинэрч халуу оргиж өвдөнө.
• Шинж тэмдэг 25% – д илрэхгүй байж болдог.
Бодит үзлэгт:
• Шээдэг сүвний амсарт үрэвсэл үүссэн байна.
• Шээдэг сүвнээс цэнхэр – ногоон өнгөтэй идээрхэг ялгадас гарах, энэ ялгадас нь үнэртэй байж болно.
• Дотуур хувцсанд сүвний идээ наалдаж бохирлогдсон байж болно.
• Шээдэг сүвийг тэмтэрч үзхэд эмзэг байна.
Шинжилгээ: Лабораторийн шинжилгээ
• Шээдэг сүвний амсараас арчдас авах
• Шээдэг сүвний амсар дотроос арчдас авч шинжлэх
• Цусны ерөнхий шинжилгээ
• Шээсний ариун чанарын шинжилгээ
• Молекул биологийн шинжилгээгээр өвөрмөц эмгэг төрөгчийг илрүүлэх
Багажийн шинжилгээ
ХАО – д хоёр бөөр, түрүү булчирхай, үлдэгдэл шээс үзнэ.
Хүндрэл:
• Шээдэг сүв нарийсах 10 – 45%
• Түрүү булчирхайн үрэвсэл
• Төмсөг ба түүний дайварын үрэвсэл
• Эрэгтэйчүүдийн үргүйдэл
• Reiter – ийн синдром

Бэлгийн сулрал

(Хөвчрөх үйл ажиллагааны алдагдал)

Male sexual dysfunction, erectile dysfunction
”Altanjor”
”Алтанжор” Эрэгтэйчүүдийн оношлогооны төв
Холбоо барих утас: 89343838, 75751250
https://www.facebook.com/%D0%AD%D1%80%D1%8D%D0%B3%D1%82%D1%8D%D0%B9%D1%87%D2%AF%D2%AF%D0%B4%D0%B8%D0%B9%D0%BD-%D0%9E%D0%BD%D0%BE%D1%88%D0%BB%D0%BE%D0%B3%D0%BE%D0%BE%D0%BD%D1%8B-%D0%A2%D3%A9%D0%B2-208085249974374/

Тодорхойлолт:
Хөвчрөх үйл ажиллагааны алдагдал бэлгийн харьцаанд орох үед бэлэг эрхтэн бүрэн хөвчрөхгүй буюу хөвчирсөн ч бэлгийн ажлыг дуусгахад шаардлагатай бариж чадахгүй, сэтгэл зүйн хямралаар илэрдэг эмгэг.

Бэлгийн сулралын шалтгаан:
Бие мах бодийн шалтгаан

Архаг өвчнүүд
• Зүрх судасны өвчин
• Цусны судас бөглөрөх (атеросклероз)
• Өндөр холестерол
• Цусны даралт өндөр байх
• Метаболизын синдром – цусны даралт ихсэх, инсулины өндөр түвшин, бэлхүүсний эргэн тойронд биеийн өөх тос, холестерины хэмжээ ихсэх нөхцөл байдал.
• Паркинсоны өвчин
• Олон склероз
• Пейронигийн өвчин – шодойн дотор сорви эдийн хөгжил
• Түрүү булчирхайн хавдар эсвэл томорсон түрүү булчирхайн эмчилгээ
• Аарцгийн хэсэг эсвэл нугасны хэсэгт нөлөөлдөг мэс засал, гэмтэл
• Тестостерон гормоны хэмжээ багасах
• Чихрийн шижин
• Бөөр, элэгний архаг дутагдал
• Бэлгийн дааврын үйл ажиллагааны алдагдал
• Түрүү булчирхайн архаг үрэвсэл
• Цэврүү булчирхайн үрэвсэл
• Таргалалт
• Үрийн цэврүү булчирхайн үрэвсэл

Дотоод шүүрлийн эмгэг
• Гипогонадизм
• Гиперпролактиними
• Гипотероидизм, гипертеройдизм

Эр бэлэг эрхтний гэмтэл, өвчин
• Пейрони өвчин
• Приапизм
• Анатомийн эмгэг

Бусад хүчин зүйл
• Аарцаг яс нугасны гэмтэл
• Эмийн бодис
• Хөдөлгөөний хомсдол
• Таргалалт
• Дугуй, мотоцикло хүйтэнд унах
• Аарцагийн эрхтэний хавдрын улмаас туяа эмчилгээний дараа

Амьдралын хэв маяг
• Тамхи удаан хугацаагаар татах
• Архидан согтуурах, мансууруулах бодис хэрэглэх бусад хэлбэр

Сэтгэлзүйн шалтгаан
• Сэтгэлийн хямрал эсвэл бусад сэтгэцийн эрүүл мэндийн байдал
• Стресс

Мэдрэлийн шалтгаан
• Нугасны гэмтэл
• Ясны хатуурал
• Нурууны ясны дискийн гэмтлээс мэдрэл дарагдах
Эрсдэлт хүчин зүйлс:
• Нас
• Чихрийн шижин эсвэл зүрхний эмгэг
• Тамхины хэрэглээ нь судас ба артерийн цусны урсгалыг хязгаарладаг бөгөөд цаг хугацааны явцад эрүүл мэндийн архаг нөхцлийг үүсгэж болно.
• Илүүдэл жинтэй байх, ялангуяа хэт таргалалт
• Түрүү булчирхайн мэс засал эсвэл хорт хавдрын цацраг туяа эмчилгээ гэх мэт зарим эмчилгээ хийдэг бол
• Ялангуяа гэмтэл, мэдрэл эсвэл артерийг гэмтээдэг бол
• Цусны даралт ихсэх
• Түрүү булчирхайн өвчнийг эмчлэх антидепрессант, антигистамин, эм.
• Стресс, түгшүүр, сэтгэлийн хямрал гэх мэт сэтгэлзүйн нөхцөл байдал
• Хар тамхи, согтууруулах ундаа хэрэглэх, ялангуяа хэрэв та удаан хугацааны туршид мансууруулах бодис хэрэглэдэг, эсвэл архи уудаг бол

Бэлгийн үйл ажиллагааны алдагдалд дараах хүндрэлүүд орно.
• Сэтгэл ханамжгүй бэлгийн амьдрал
• Стресс эсвэл түгшүүр
• Ичиж зовох эсвэл өөртөө итгэх итгэл бага байна
• Харилцааны асуудал
• Үр хүүхэдтэй болохгүй байх

Шалтгаан
• Судасны өвчин – 30%
• Чихрийн шижин – 40%
• Бага аарцагийн хөндийд мэс ажилбар хийсэн – 13%
• Гэмтэл – 8%
• Дотоод шүүрлийн булчирхайн өвчин – 6%
• Судасны хатуурал – 3%

Ангилал:
• Органик
• Сэтгэцийн
• Холимог гэж ангилна

Анхдагч урьдчилан сэргийлэлт
• Биеийг чийрэгжүүлэх
• Амьдралын зөв хэв маяг баримтлах
• Архи, тамхи, мансуулах бэлдмэл хэрэглэхгүй байх
• Ажил амьдралын стресс, хосуудын хоорондын тааламжгүй харицааны үл ойлголцол
• Биеийн тамираар хичээлэх
• Бэлгийн зан үйлийг зохистой хийх
• Бэлгийн замын халдварт өвчин авсан үед нэн даруй эмчлүүлэх
• Биеийн жин нэмэхгүй байх
• Тохиолдын бэлгийн харьцаанд орох үед бэлгэвч хэрэглэх.

Эрт илрүүлэлт, оношлгоо
Зовуурь:
• Шодой хөвчрөхгүй байх
• Түргэн дур тавих
• Эсвэл дур тавих мэдрэмж үүсэх боловч дур тавихгүй байх
• Хөвчирсөн боловч түргэн буух үзэгдлийг хөвчрөлийн эмгэг хүндрэл гэнэ.дээрх хүндэрлүүд нь төрөл бүрийн өвчин эмгэг, эм тариа, гэмтэл, согог, зүйн янз бүрийн асуудлуудаас болж үүсэж болно.

Шинжилгээ :
Лабораторийн шинжилгээ
1. Шээсний ерөнхий шинжилгээ
2. Цусны ерөнхий шинжилгээ
3. Холестрин сахарын хэмжээ үзэх
4. Үрийн шингэнд бактер ургуулах
5. Үрийн шингэнд молекул биологийн шинжилгээгээр өвөрмөц эмгэг төрөгч тодорхойлно.
6. Түрүү булчирхайн өвөрмөц эсрэг төрөгч үзэх
7. Бэлгийн дааврууд шинжлэх (тестостерон, фолликул сэдээгч даавар, шар биеийн даавар)
8. коагулограмма шинжилгээ
9. Зүрх судасны үйл ажиллагаа

Багажийн шинжилгээнд:
1. ХАО – д хоёр бөөр, түрүү булчирхай, үлдэгдэл шээс үзнэ.
2. Rigi scan – аппаратаар шодойны хөвчрөлтийн боломжтой бүх чанарын үзүүлэлтийг хэмжиж тодорхойно.

Хүндрэл:
• Сэтгэл ханамжгүй бэлгийн амьдрал
• Стресс эсвэл түгшүүр
• Ичиж зовох өөрийгөө үнэлэх чадвар буурах
• Үр хүүхэдтэй болохгүй байх
Урьчилан сэргийлэх:
• Чихрийн шижин болон зүрх судасны өвчинөөс урьдчилан сэргийлэх
• Эрүүл мэндийн урьчилан сэргийлэх үзлэгт тогтмол хамрагдаж хэвших
• Хорт зуршилаас татгалзах
• Дасгал хөдөлгөөн хийх
• Стрессийг бууруулах алхамуудыг хийх
• Сэтгэл түгших, сэтгэлийн хямрал эсвэл бусад сэтгэцийн талаар тусламж авах

”Алтанжор” Эрэгтэйчүүдийн оношлогооны төв
Холбоо барих утас: 89343838, 75751250

Эрэгтэйчүүдийн шээс бэлгийн сүвний үрэвсэл ба наалдацын шинжилгээ
”Алтанжор” Эрэгтэйчүүдийн оношлогооны төв
Холбоо барих утас: 89343838, 75751250
https://www.facebook.com/%D0%AD%D1%80%D1%8D%D0%B3%D1%82%D1%8D%D0%B9%D1%87%D2%AF%D2%AF%D0%B4%D0%B8%D0%B9%D0%BD-%D0%9E%D0%BD%D0%BE%D1%88%D0%BB%D0%BE%D0%B3%D0%BE%D0%BE%D0%BD%D1%8B-%D0%A2%D3%A9%D0%B2-208085249974374/

Уретрит яагаад үүсдэг вэ?
Уретритийг үүсгэдэг гол хүчин зүйлс нь нян, вирус юм. Ихэнх тохиолдолд нянгаар үүсгэгдсэн байдаг. Түүнчлэн уретритийг үүсгэж буй нян нь бөөр, давсаг болон шээс бэлгийн сүвэнд үрэвсэл үүсгэдэг.

Уретрит үүсгэдэг нянгууд:

Neisseria gonorrhoeae- Заг хүйтэн
Chlamydia trachomatis- Хламиди трахоматис
Mycoplasma genitalium- Микоплазм генаталиум ордог
Уретрит үүсгэдэг вирус:

Cytomegalovirus – Цитомегаловирус
Herpes simplex virus – Хомхойн вирус
Human papilloma virus – Хүний папиллома вирус
Заг хүйтэн нь шээс бэлгийн сүвний үрэвслийг үүсгэдэг бэлгийн замын халдварт өвчний нэг.

Гонококкын бус уретрит гэдэг нь заг хүйтнээр бус бусад төрлийн эмгэгээр үүсгэгдсэн үрэвслийг хэлдэг. Үүний шалтгааны 50 хувь нь бэлгийн замын халдварт өвчний нэг болох хламиди болох нь нотлогдсон.

Түүнчлэн ганцхан нянгаас гадна вирусын гаралтай гонококкын бус уретрит байдаг. Эдгээрээс гадна давсагны гуурс, саван, спермицид (жирэмслэлтээс хамгаалах гель), стеноз (шээс бэлгийн сүвний нарийсал) зэрэг нь үрэвсэл үүсгэдэг.

Уретриттай 10 эрэгтэй тутмын гуравт нь уретрит үүссэн шалтгаан тодорхойгүй байдаг.

Зарим тохиолдод эрэгтэйчүүдэд гонококкын болон гонококкын бус уретрит давхар явагддаг.

Уретрит ямар хүнд илэрдэг вэ?

Бэлгийн идэвхтэй амьдралтай 35-аас доош насны болон бэлгийн амьдралын хамтрагчаа сольсон эсвэл хамгаалалтгүй бэлгийн хавьталд орсон бол илрэх магадлал өндөр байдаг. Түүнчлэн ижил хүйстнүүдийн дунд элбэг тохиолддог.

Уретритийн үеийн шинж тэмдэг ямар байдаг вэ?

Шээс бэлгийн сүвнээс ялгарал гарах. Гэхдээ ихэнх тохиолдолд гарахгүй байх магадалтай байдаг.
Шээх үед хорсох болон зовиуртай байх. Тус шинж тэмдэг нь шээсний халдвартай андуурагдах магадлалтайг анхаарна уу.
Бэлэг эрхтэний дотор загатнах эсвэл ойр ойрхон шээх мэдрэмж төрөх.
Зарим эрэгтэйчүүд нь уретриттэй хирнээ шинж тэмдэг илрэхгүйгээр явдаг. Жишээ нь хламидийн халдвар авсан эрэгтэйчүүдийн дийлэнхид нь ямар ч шинж тэмдэг, зовиур илэрдэггүй.
УРЕТРИТ ХЭРХЭН ЯВАГДДАГ ВЭ?

Зарим тохиолдолд шинж тэмдэг нь хэдэн сарын хугацаанд өөрөө намждаг тохиолдол байдаг. Хэрэв уретрит нь бактерийн гаралтай бол шинж тэмдэг намдсан ч тус бактер нь шээс бэлгийн сүвд байсаар байдаг.

Үүнээс гадна тухайн өвчтөн нь бусдад халдвар тараагч болдог. Уретритийг үүсгэгч гол бактер болох бэлгийн замаар дамждаг шинж тэмдэг өгдөггүй хламиди нь эмэгтэй, эрэгтэй хүмүүсийн шээс бэлгийн замын үрэвсэл, үргүйдэл, үений үрэвсэл, нүдний салстын үрэвсэл болон зүрх судасны өвчний шалтгаан болдог.

ХЭРЭВ УРЕТРИТИЙН ШИНЖ ТЭМДЭГ ИЛЭРЧ БАЙГАА БОЛ ЯМАР АРГА ХЭМЖЭЭ АВАХ ШААРДЛАГАТАЙ ВЭ?

Юун түрүүнд мэргэжлийн эмчид хандана уу.
Наалдацын шинжилгээ өгөх.
PCR буюу молекул биологийн шинжилгээ өгөх.
ДОХ, Гепатит, Тэмбүүгийн шинжилгээг өгөх.
Эмч нь антибиотикийг шинж тэмдгээс хамааран сонгодог бөгөөд халдварыг устгадаг. Иймд антибиотик эмчилгээ хийлгүүлж байгаа тохиолдолд эмчилгээг дуустал нь явах.
Хэрэв танд заг хүйтэн илэрсэн тохиолдолд эмчилгээ дууссанаас 3-7 хоногийн дараа дахин шинжилгээ өгөх.
Хэрэв бэлгийн замын халдвар илэрсэн тохиолдолд хамтрагчаа давхар шинжлүүлэн эмчилгээ хийлгүүлэх.
Эмчилгээ дуустал бэлгийн хавьталд орохгүй байх.
ЭРЭГТЭЙЧҮҮДИЙН НААЛДАЦЫН ШИНЖИЛГЭЭ ГЭЖ ЮУ ВЭ ?

Мазок буюу наалдацын шинжилгээ ганцхан эмэгтэйчүүд бус эрэгтэйчүүдэд ч хийгдэх боломжтой шинжилгээ. Тус шинжилгээ нь эрэгтэйчүүдийн шээс бэлгийн сүвэн дэх нянгийн харьцаа, үрэвсэл болон мөөгөнцрийг эмнэлзүйн лабораторит тодорхойлж хийгддэг.

Шээс бэлгийн сүвнээс авсан наалдацын шинжилгээгээр юуг оношилж тодорхойлох боломжтой вэ?

Наалдацын шинжилгээгээр шээс бэлгийн сүвний үрэвсэл, нянгийн хэмжээг тодорхойлдог бол PCR буюу молекул биологийн шинжилгээгээр шээс бэлгийн сүв, түрүү булчирхайн үрэвсэл болон бусад өвчнийг үүсгэдэг бэлгийн замаар дамждаг (хламиди, заг хүйтэн, трихомониаз, уреаплазм, микоплазм)-ийг илрүүлдэг. Заг хүйтний хурц халдвар буюу шинэ халдварыг наалдацын шинжилгээгээр илрүүлэх боломжтой байдаг.

Наалдацын шинжилгээний дүнг үндэслэн цаашлаад бактериологи (нян ургуулах), PCR (БЗХӨ тодорхойлдог) шинжилгээг өгөх үгүйг эмчлэгч эмч шийдвэрлэдэг. Ингэснээр үүсгэж буй эмгэг төрөгчийг алдаагүйгээр нарийн тодорхойлж ямар эмчилгээ хийхээ сонгодог.

Эрэгтэйчүүдийн наалдацын шинжилгээг хэрхэн авдаг вэ?

Наалдацын шинжилгээг авдаг тусгай хөвөн бамбарыг эрэгтэйчүүдийн шээс бэлгийн сүв рүү ойролцойгоор 1 см хүртэл оруулдаг. Шээс бэлгийн сүв рүү гадны биет орох нь тааламжгүй бөгөөд бага зэргийн өвдөлт өгдөг. Шинжилгээ авснаас хойш хэдэн цагийн турш бага зэргийн өвдөлт, хорсолт мэдрэгдэх нь хэвийн үзэгдэл юм.

Наалдацын шинжилгээ өгөхдөө өөрийгөө хэрхэн бэлдэх вэ?

Хэрэв та наалдацын шинжилгээ (мазок) өгөхөөр шийдсэн бол дараах зааврыг дагана уу.

1-2 хоног бэлгийн хавьталд ороогүй байх.
Бэлэг эрхтэний ариун цэврийг шинжилгээний урд өдрийн орой нь сахих. Шинжилгээ өгөх өдрийн өглөө угаах шаардлагагүй.
Шинжилгээ өгөхөөс өмнө 2-3 цаг шээхгүй байх.
Шинжилгээ өгөхөөс өмнө 7 хоногийн турш ямар нэгэн эмийн бэлдмэл хэрэглэхгүй байх. Зөвхөн эмчийн зааврын дагуу хэрэглэх эмийн жорыг дагана.
Наалдацын шинжилгээний дүгнэлт

Лейкоцит (цагаан эс ) – дархлааны системийн эс бөгөөд эрэгтэйчүүдийн шээс бэлгийн сүвэнд бага хэмжээтэйгээр оршдог. Эрүүл эрэгтэйн наалдацын шинжилгээний лейкоцит нь 0 – 5 байх ёстой. Хэрэв лейкоцитын тоо 5 – аас их болсон тохиодолд шээс бэлгийн сүв үрэвсэлтэй байгааг харуулна.

Эпитель – шээс бэлгийн сүвэн дэх гадаргуугийн эс. Эрүүл эрэгтэйн эпитель нь микроскопын харагдах талбайд 5 – 10 байна. Хэрэв эпителийн тоо ихэссэн бол үрэвслийн шинж тэмдгийг харуулдаг.

Салс – бага зэргийн салс ялгарах нь хэвийн бөгөөд үрэвслийн үед хэт их ялгардаг.

Кок (стафилококк, энтерококк, стрептококк) – нь тодорхой нөхцөлд өвчин үүсгэдэг нянгууд. Эрүүл эрэгтэйн шээс бэлгийн сүвэнд багахан хэмжээний ашиггүй нян байдаг. Уретрит буюу шээс бэлгийн сүвний үрэвсэл нь ашиггүй нянгийн тоо ихэссэн тохиолдолд үүсдэг.

Гонококк (Gn, диплококк) – нь эрүүл эрэгтэйн шээс бэлгийн сүвэнд байхгүй байх ёстой. Заг хүйтэн нь гонококкоор үүсгэгддэг бөгөөд (эс доторх грам сөрөг диплококк) шинэ халдварын үед наалдацын шинжилгээгээр илэрдэг.

Трихомонад – нь бэлгийн замаар дамждаг өвчин бөгөөд эрүүл эрэгтэйн наалдацын шинжилгээгээр илрэх ёсгүй. Гэхдээ эрэгтэйн наалдацын шинжилгээнд трихомонад илрэх нь ховор байдаг.

Наалдацын шинжилгээний дараа яах ёстой вэ?

Наалдацын шинжилгээний дараа ямар нэгэн хориглосон заалт байхгүй. Дээр дурьдсанчлан наалдацын шинжилгээний дараа бага хэмжээний өвдөлт, зовиур, тааламжгүй мэдрэмж эсвэл хорсох талтай байдаг. Эдгээр зовиур нь аяндаа алга болдог.

Хэрэв зовиур удаан хугацаагаар явагдах эсвэл шээс бэлгийн сүвнээс өнгөтэй (шаргал ногоон) ялгарал гарвал зайлшгүй мэргэжлийн эмчид хандана уу.

Наалдацын шинжилгээний хариу өөрчлөлттэй гарсан тохиолдолд та юуг анхаарах ёстой вэ ?

Хэрэв наалдацын шинжилгээний хариу өөрчлөлттэй гарсан бол айж сандрах болон сэтгэл санаагаар унах шаардлагагүй. Орчин үеийн анагаах ухаан нь ямарваа нэгэн үрэвслийн шинж тэмдгийг эмчлэх арга зүй нь улам сайжирсан учир бүрэн эмчлэгдэх боломжтой. Иймд:

Зайлшгүй мэргэжлийн эмчид хандах. Шинжилгээний дүнг үндэслэн эмч нэмэлт шинжилгээ авах магадлалтай байдаг. Үүнд: бактериологи (нян өсгөвөрлөх), БЗХӨ илрүүлэх PCR шинжилгээ зэрэг орно.
Эмчид хандахаас өмнө дур мэдэн эмийн бэлдмэл хэрэглэж болохгүй.