Эрэгтэйчүүдийн Эмнэлэг, Шинжилгээ, Оношлогооны Төв
Тодорхойлолт:
Аарцаг орчмын өвдөлт, шээсний гарцын болон бэлгийн үйл ажиллагааны өөрчлөлт, сэтгэл зүйн дарамт үрэвслийн шинж тэмдэгээр илэрдэг өвчин. Түрүү булчирхайн янз бүрийн үрэвсэлт эмгэгүүд байдаг. Нянгийн халдвараас шалтгаалсан түрүү булчирхайн үрэвсэл зонхилдог.
АНУ-ын Үндэсний Эрүүл Мэндийн Хүрээлэнгээс түрүү булчирхайн үрэвсэлийг дараах байдлаар ангилдаг.
I. Цочмог бактерийн простатит – Нянгийн гаралтай түрүү булчирхайн цочмог үрэвсэл
II. Архаг бактерийн простатит – Түрүү булчирхайн нянгийн гаралтай архаг үрэвсэл
IIIA. Архаг простатит/архаг аарцагны өвдөлтийн хам шинж, үрэвсэлт – Үрэвслийн шинж тэмдэг бүхий шээс бэлгийн замын архаг эсвэл давтагдах зовиураар илрэх, гэхдээ түрүү булчирхайн бактерийн халдваргүй байна.
IIIB. Архаг простатит/архаг аарцгийн өвдөлтийн хам шинж, үрэвсэлгүй – Түрүү булчирхайн үрэвсэл, бактерийн халдварын шинж тэмдэггүй шээс бэлгийн замын архаг давтагдах зовиуртай.
IV. Шинж тэмдэггүй халдварын гаралтай түрүү булчирхайн үрэвсэл – Түрүү булчирхайн үрэвслийн зовиур болон шээс бэлгийн замын зовиур илрээгүй (жишээлбэл, өөр зорилгоор хийсэн үзлэг, шинжилгээгээр илэрсэн.)
Түрүү булчирхайн бактерийн халдварын шалтгаант үрэвсэл нь ихэвчлэн үрийн шингэн, түрүү булчирхайн шүүрэл, түрүү булчирхайн массажны дараах шээсэнд үрэвслийн эсүүд байгаа нь нянгийн өсөлтөөр тодорхойлогддог.
Архаг бактерийн түрүү булчирхайн үрэвслийн эмгэг жам нь цочмог халдвартай ижил байдаг. Бичил биетүүд шээсний сүвээр дамжиж түрүү булчирхайруу ордог. Ихэнх тохиолдолд бактери нь шээсний сүв эсвэл давсагнаас түрүү булчирхайн сувгаар дамждаг.
АШУ-ны магистр С.Арнабек (АУ-ны докторант)
Сүүлийн сэтгэгдэлүүд